Montando redes con Netkit (II: Montando un laboratorio)

Continuamos co Netkit, proxecto que usa unha distro Debian Linux modificado para executarlo no espazo de usuario (é dicir, coma un programa normal), agora veremos coma montar un "laboratorio" no que conectar unhas cantas máquinas.

Antes de nada ubicarémonos nun directorio vacío, iremos creando arquivos así que é mellor evitar manter as cousas separadas ;).


Ollo de novo! Netkit utiliza os arquivos dunha forma un pouco “especial”, crea arquivos moi grandes (uns cantos xigas ), nos que apenas garda nada, isto pode parecer un problema de non ser por que o tipo de arquivos utilizado coñecese coma `sparse`, que permite que de forma transparente ó proceso se almacenen só os datos gardados, non hai que facer nada especial para isto, só utilizar un formato de partición moderno, así que para isto hay que evitar a toda costa FAT ;)

Ben, ímos aló, para levantar unha máquina faremos:

vstart <nome da máquina>

Por exemplo:

vstart proba

Se queremos apagala podemos facelo dende a propia máquina con:

poweroff

Ou dende o anfitrión con:

vhalt <nome da máquina>

Por suposto algo pode faiar, se queremos forza-lo peche faremos:

vcrash <nome da máquina>

E xa está, xa temos unha máquina preparada, pero isto saberanos a pouco, non?

Imos conectar unhas cantas máquinas, para facer isto temos que conectar as interfaces a un "dominio de colisión", estes funcionan coma un hub, para facelo engadiremos o flag --eth<N>=<dominio de colisión> .

Nota: por suposto tedes máis opcions, pódense consultar con

man vstart

Levantamos entón 3 máquinas conectadas o dominio:

vstart --eth0=dom1 maq1
vstart --eth0=dom1 maq2
vstart --eth0=dom1 maq3

Agora, a configura-la rede, na máquina 1:

ifconfig eth0 10.1.1.1

Na máquina 2:

ifconfig eth0 10.1.1.2

E na terceira:

ifconfig eth0 10.1.1.3

Feito isto, xa podemos enviar datos de unha máquina a outra:

Pero se temos que facer isto con cada máquina cada vez non acabamos nunca, para isto están os laboratorios, partindo dun directorio vacío creamos outro dentro por cada máquina co seu nome, por exemplo, se a rede que queremos montar fora así:

mkdir maq1
mkdir maq2
mkdir maq3
mkdir maq4
mkdir ponte

Despois escreberemos nun arquivo lab.conf a configuración do laboratorio, por exemplo, neste caso:

maq1[0]=dom1
maq2[0]=dom1
maq3[0]=dom2
maq4[0]=dom2

ponte[0]=dom1
ponte[1]=dom2

E xa está conectado, falta asignar as IP, así que creamos un arquivo para definir o que se fai ó inicio:
maq1.startup

ifconfig eth0 10.1.1.2 netmask 255.255.255.0
route add -net 10.1.2.0/24 gw 10.1.1.1

maq2.startup

ifconfig eth0 10.1.1.3 netmask 255.255.255.0
route add -net 10.1.2.0/24 gw 10.1.1.1

maq3.startup

ifconfig eth0 10.1.2.2 netmask 255.255.255.0
route add -net 10.1.1.0/24 gw 10.1.2.1

maq4.startup

ifconfig eth0 10.1.2.3 netmask 255.255.255.0
route add -net 10.1.1.0/24 gw 10.1.2.1

ponte.startup

ifconfig eth0 10.1.1.1 netmask 255.255.255.0
ifconfig eth1 10.1.2.1 netmask 255.255.255.0

E xa está, so queda levantar todo, coa órde:

lstart

Para rematar, as órdes para manexar os laboratorios son coma os das máquinas individuais pero comezando por 'l':

lstart
lhalt
lcrash

Por suposto, temos moitas máis opcións accesibles dende o manual:

man lstart

e

man lab.conf

Espero que vos resulte útil, saúdos.